musiconline

أغاني - أفلام - كليبات - مصارعه - رياضيه


    صلينا التراويح فى الحسين.... وشربنا الحشيش فى الوايلى

    شاطر
    avatar
    Body The King
    مشرف عام المنتديات
    مشرف عام المنتديات

    عدد المساهمات : 98
    نقاط : 313
    تاريخ التسجيل : 03/09/2009
    العمر : 27
    الموقع : مزيكا اون لاين و بـــــــــــــــــــس

    صلينا التراويح فى الحسين.... وشربنا الحشيش فى الوايلى

    مُساهمة  Body The King في الجمعة سبتمبر 25, 2009 9:38 pm


    صلّينا التراويح في الحسين..



    وشربنا الحشيش فى الوايلى!!!!



    [size=24]بودى اهو اهة


    إنها التاسعة مساءً ليلة أول أيام عيد الفطر المبارك "يوم الوقفة"، صوت بندول الساعة رنّ في هارون المنتصب بقامته الطويلة في بلكونة شقة الأصحاب بمنطقة الوايلى الكبير يُتابع مشاهد السائرين رائحين وعائدين وهم يحتفلون بعيد الفطر الذي أخذ في مطاردة كل فلول المظاهر الرمضانية، وفي هذه اللحظة انبعثت صيحة عالية من داخل الشقة من أحد أصدقاءهارون واسمة محمد باتستا


    محمد باتستا: يلّا ياهارون الجوب (أي سيجارة حشيش) قرّب يتّطفي تعالَ فرفشه لنا كده!!




    صديق ثالث(الصعيدى): باقول لك إيه يا هارون هي القِبلة منين؟؟ (هارون هو صديق الشلة القبطي الوحيد في القعدة).



    هارون: طيب.. بس مش قبل ما أقول لك على القِبلة ضروري تمضمض "بقك" من الحشيش الأول وإلا صلاتك تبطل.



    محمد باتستا: والنبي إحنا نستاهل الحرق.. دي مناظر ناس كانت بتصلي التراويح وكمان كام ساعة هتروح تصلي العيد.



    هارون: اتكلم عن نفسك يا عم أنت.. أنا مفهومي عن الوحدة الوطنية إني آكل معاكم كحك العيد.. إنما أكثر من كده وستووووب.


    ينطلق الجميع في ضحك هستيري وسط سحابات غير متناهية من الدخان الأزرق

    الضحك أفزع مدام ام سيد صاحبة الكوافير القابع بأسفل العمارة التي احتضنت شلة الأنس،
    فخرجت منزعجة تتبع مصدر تلك القهقهات المكتومة فلم تصل لشيء فعادت من جديد لداخل المحل المليء بزبائنها، فعادت ام سيد إلى زبونتها المفضّلة نوسة( الكنش الكبير )


    ام سيد: أيوه كده، خلي شعرك يتنفّس هواء نضيف بدل الكبسة اللي كان مكبوسها تحت الحجاب طول رمضان.



    نوسة(الكنش الكبير) : ميرسي يّاام سيد، يلاّ فنشي لي بقى الـ"ألاجارسون" (قصة شعر قصيرة) عشان ألحق أعدي على محمد الفلاح (الترزي) أجيب منه التوب بعد ما ضيقهولي عشان يبقى مجسّم.



    خرجت نوسة من الكوافير ولم تُكمل مترها العاشر في الشارع حتى اعترضها مجموعة من الشباب..



    الشاب الأول: حلوة القَصّة المعيزي دي يا مودموازيل، إيه رأيك أظبط لك قصة الكابوريا الجديدة؟؟



    الشاب الثاني: وفين الحلّاق ده يا ميزو اللي هتروح له؟؟



    الشاب الأول: مش بعيد يا شقيق هنا في المقطم أو في طريق المطار على حسب وقتها يعني



    تبدأ نوسة في الركض والشباب يلهثون وراء خُطاها المتسارعة، حتى بلغوها وبدأوا في تقطيع ثيابها وكذا فعلوا مع زيها الجديد، وبدأت أيديهم تنهش كالكلاب المسعورة التي سنّت أسنانها من قلة الطعام، لولا أن أرسل لها الله نجدة إلهية من أهل المنطقة. (سيد شيبة &سامح عكاسا& احمد خمسة)


    المَشاهِد اللي عرضناها فوق دي (أيون اللي أنت لسه قاريها حالاً) اكيد شوفتها انهارده اول يوم العيد وهتشوفها كمان فى بقيه الايام، آه بتسألني على التفاصيل، أقول لك يا سيدي، هتلاقي إيدين فايحة منها رائحة الحشيش بعد ما كانت بتنعم بالتسبيح، هتلاقي أفواه تتقيأ شتائم أقلها تكفي لحجز سويت ملكي في النار، رغم أنها نفس الأفواه اللي وهنت من كثرة الاستغفار، هتلاقي فساتين وباديهات تختنق بأجساد فتياتها، رغم أنها نفس الأجساد اللي كانت عائمة وسط الإسدال والأزياء الإسلامية الفضفاضة على مدار 30 يوماً، نسيت أقول لك كمان إن الشارع هيتحوّل لفيلم إباحي كبير، كل شيء فيه مباح، أجساد الفتيات غنيمة للمتحرشين، وإسماعهم أقذع الألفاظ شيء جميل، وخليه على جنب -أقصد طبعاً الدين- وعشان تبقى عارف: أكشاك السجائر هتنتعش اقتصادياً.. ودواليب الحشيش وما على نفس شاكلته ستسجل أرقاماً قياسية في المبيعات.. وثلاجات البيرة لن تحصل على فرصة كي تمتلئ.


    المفروض أن رمضان تدريب عملي جماعي على الطاعة والاستقامة ومراعاة الشعور والتقرب إلى الله، إذن ليس منطقياً أبداً أن تُصبح وقفة العيد -والعيد نفسه- تدميراً وإضاعة لكل جهد بُذل بتصرفات هي أبعد ما تكون عن سلوكياتنا قبل ساعات من العيد.




    ربّ رمضان هو ربّ العيد وربّ كل أيام العام، والحرص على طاعته لن يُصبح أبداً مسلسلاً من ثلاثين حلقة تنتهي بانتهاء رمضان، لنعود منذ وقفة العيد أشخاصاً آخرين فيستأنف الكاذب كذبه، ويعود الحريص على صلاة المسجد إلى هجر فروض الله، والذي توقّف لسانه عن التفوّه بالكلمات البذيئة احتراماً لرمضان، ينتعش لسانه من جديد بكل اللي يحبه قلبك من سباب وشتائم


    اعتبار العيد إشارة خضراء للعودة إلى ما كنا عليه قبل رمضان معناه أننا كنا نكذب على أنفسنا طوال شهر كامل، وأننا غير قادرين على الالتزام لأكثر من ذلك، مجرد التزام ظاهري لم يترك أثره في القلب، فانقلب الحال سريعاً وكأن رمضان أشبه بقفص فُتح بانتهاء اليوم الأخير والصائمون هم المحبوسون بداخله ينتظرون إشارة للانطلاق من جديد، وتستمر الدائرة سنة كاملة من التسيب في آخرها ننتظر رمضان لنتطهر ثم نعود من جديد وهكذا دائرة مفرغة ندور نحن وذنوبنا فيها.



    إيه بتقول إيه!! قرّب من الجهاز عشان بس أسمعك، همممم والله برضه وجهة نظر طب ما تسمّعها للناس.. قصدك إن المشكلة في نقطة واحدة بتنحصر، احترام للشهر الكريم، اللي بيشرب حشيش واللي رصيده في الصلوات الخمس ما فيش، واللي بتعمل شعرها كنيش.. واللي بيتفرّج على أفلام مش ولا بُد وبيقفل البلكونة والشيش، كل دول بيعملوا لنفسهم ستوب، بس بحُب، عشان شهر رمضان شهر مقدس ما ينفعش فيه أفضل عادي كده مقضيها، فما تجيش أنت تكفرني على خير بعمله، وكأنك بتقول للي بيدمن ربنا يحميك زي ما إنت يا ابني، وكأنك بتقول للي لابسة من غير لبس، اثبتي على موقفك رب رمضان هو هو رب الأيام العادية.


    طالما رب رمضان هو رب بقية العام.. تفتكر نعمل إيه عشان تبقى السنة كلها رمضان؟



    ولا شايف إن الالتزام المؤقت أفضل من عدم الالتزام على الإطلاق في شهر مفترض إنه مقدّس؟



    خد الكحكايه اللي جنبك دي وقول لي رأيك إيه؟؟! رمضان طول العام ولا عبادة في شوية أيام.. وبقية السنة سلّم لي على الالتزام؟!!


    ____________________________

    مستوحا من قصة حقيقية....!!!!!!!!!!......

    والاشخاص الى فى القصة عارفين نفسهم كويس...

    _____________________________[/
    size]


    عدل سابقا من قبل Body The King في الإثنين سبتمبر 28, 2009 10:27 am عدل 4 مرات

    mohamed batsita
    المدير العام
    المدير العام

    عدد المساهمات : 28
    نقاط : 85
    تاريخ التسجيل : 26/08/2009
    العمر : 25
    الموقع : www.musiconline.com

    متروح تبلغ

    مُساهمة  mohamed batsita في السبت سبتمبر 26, 2009 11:55 am

    بقولك يلا متروح تبلغ عنا احسن ربنا يفضحك

    dede

    عدد المساهمات : 12
    نقاط : 34
    تاريخ التسجيل : 31/08/2009

    رد: صلينا التراويح فى الحسين.... وشربنا الحشيش فى الوايلى

    مُساهمة  dede في السبت سبتمبر 26, 2009 2:27 pm


    على فكرة يا بودى الحشيش بيعالى الدماخ

    وام سيد ونوسة بيسيطرو على الدماغ......

    تحية كبيرة للمولعاها الامبراطورة سماح عباس العقاد....


    ربنا يفضحك يا بودى....
    avatar
    Body The King
    مشرف عام المنتديات
    مشرف عام المنتديات

    عدد المساهمات : 98
    نقاط : 313
    تاريخ التسجيل : 03/09/2009
    العمر : 27
    الموقع : مزيكا اون لاين و بـــــــــــــــــــس

    رد: صلينا التراويح فى الحسين.... وشربنا الحشيش فى الوايلى

    مُساهمة  Body The King في الأحد سبتمبر 27, 2009 1:21 am


    انا ما ردتش انزل الموضوع بالصور يا باتستا ...
    دة انت ليك كام صورة عندى لو اتنشروا ها تتحبس فعلا... Laughing Laughing

    عندك حق يا ديدى نسيت اذكر الامبراطورة سماح عباس العقاد فى رواية تانية ان شاء اللة.... Laughing Laughing
    avatar
    harown the fox

    عدد المساهمات : 32
    نقاط : 90
    تاريخ التسجيل : 27/09/2009
    العمر : 27
    الموقع : اهة ( هنا اهة )

    رد: صلينا التراويح فى الحسين.... وشربنا الحشيش فى الوايلى

    مُساهمة  harown the fox في الأحد سبتمبر 27, 2009 4:31 am


    الللللللللللللللللللللللللللللللل

    اية الى انت قلتة دة يا بودى ..ينفع الفضايح دة

    وتحية كبيرة منى لعبقرينة...

    ربنا يخدك........
    avatar
    Body The King
    مشرف عام المنتديات
    مشرف عام المنتديات

    عدد المساهمات : 98
    نقاط : 313
    تاريخ التسجيل : 03/09/2009
    العمر : 27
    الموقع : مزيكا اون لاين و بـــــــــــــــــــس

    رد: صلينا التراويح فى الحسين.... وشربنا الحشيش فى الوايلى

    مُساهمة  Body The King في الإثنين سبتمبر 28, 2009 10:29 am



    اية رايك يا هارون صورة باتستا منورة التوبيك....

    قريبا صورة الصعيدى.. دة انتة هاتتفضحوا...
    avatar
    Body The King
    مشرف عام المنتديات
    مشرف عام المنتديات

    عدد المساهمات : 98
    نقاط : 313
    تاريخ التسجيل : 03/09/2009
    العمر : 27
    الموقع : مزيكا اون لاين و بـــــــــــــــــــس

    رد: صلينا التراويح فى الحسين.... وشربنا الحشيش فى الوايلى

    مُساهمة  Body The King في الثلاثاء سبتمبر 29, 2009 3:28 pm


    الللللللللللللللللللللللللللللللللللللللل

    ينفع كدة يا باتستا تشيل اسمك من على الصورة وتضع اسمى عاشن انت المدير يعنى....


    على فكرة يا جماعة الى فى الصورة دة محمد باتستا وهو الى حط اسمى مكان اسمة



    ماشى يا محمد لسة ليك كام صورة عندى ..... انتظرهم قريبا بالاسواق ....

      الوقت/التاريخ الآن هو الأحد أكتوبر 22, 2017 11:30 am