musiconline

أغاني - أفلام - كليبات - مصارعه - رياضيه


    أسئلة مالهاش اي لزمة في الدنيا ???

    شاطر
    avatar
    Body The King
    مشرف عام المنتديات
    مشرف عام المنتديات

    عدد المساهمات : 98
    نقاط : 313
    تاريخ التسجيل : 03/09/2009
    العمر : 27
    الموقع : مزيكا اون لاين و بـــــــــــــــــــس

    أسئلة مالهاش اي لزمة في الدنيا ???

    مُساهمة  Body The King في الثلاثاء أكتوبر 06, 2009 10:30 pm






    فيه أسئلة غريبه مالهاش اي لزمة في الدنيا


    بنتعرض ليها كل يوم من كل الناس


    خلـونـــا نشــوف أمثلة


    ***********


    إنت في أوضتك .. على السرير وطافي النور ومتغطي
    ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟


    (( واضح ان انا هنام ))


    ***********


    انتم معزومين عند ناس ورحتوا لبيتهم وأول ما فتحولكوا الباب
    يقول ابنهم الصغير:


    انتوا جيتــواااااااااااااااا ؟


    (( لا لسه ))


    ***********

    والعكس :
    انت لابس هدومك و متأنتك و على سنجة عشرة
    وريحة البارفان واصله لاخر الشارع ..
    وخلاص بتفتح باب الشقة
    يجي حد من أهلك وينادي بصوت عالي :
    انت خااااارج ولاّ اييييييييييه


    (( !!! لاء دانا لسه راجع ))


    ***********

    أو مثلا راكب العربية ودوّرتها وخلاص هتطلع ...
    يجيلك لك البواب ويخبطلك على الزجاج
    انت بكل ذوق تفتح الزجاج وتقوله :
    خير في حاجة؟
    يقولك : انت رايح الشغل يابيه ؟


    (( لا.. العربية واحشاني ))


    ***********


    مثلا ماسك سماعة التلفون وقاعد تضغط الارقام
    يجي حد من أهلك ويقولك:
    انت هتتكلم في التليفون ؟



    (( لا... بتفرّج عليه ))


    ***********

    مثلا : ماسك مذكرة أو كتاب
    وقاعد تحفظ ومتحمس (أول مره بقى) ...
    جه حد وقالك:
    هاه.. قاعد تذاكر ؟


    (( تقوم رامي الكتاب و تقوله لااااااااء ))


    (طبعا انت متصدا)




    ***********


    ربنا هاديك كده ... ماسك سبحة و عمال تسبّح ،
    يجي حد من البيت يعدي عليك ويقول:
    هوّه انت بتسبح ؟


    (( لاء.. هفرطها و أسلقها ))


    ***********


    ولا تعالــو شوفوا قنواتنا واسئلتهم برنامج


    اهداءات يتصل واحد يطلب أغنيه


    ترد عليه (المذيعة)


    بكل خفه ورشاقة :


    إنتا بتحب الاغنيّة ديه ولا ايه ؟


    (( لا ...طالبها اخنق على نفسي ))


    ***********


    أو مثلا في العيد


    المذيع : هههههه هههههههه هههههه نتعرّف بيك
    المواطن : فلان الفلاني
    المذيع ههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
    المواطن : أقولهم كل عام وأنتم بخير


    (( أكيد يعني مش هيقولهم البقاء لله ))


    ***********


    المذيعة الظريفـة :
    وياترى بقى هتعملوا ايه العيد ده هتقضوه ازاي ؟
    أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين


    (( سبتيله ايه يقوله بقى ؟ ))


    ***********


    و الشلل الكبير...
    لما المذيعين يكلموا الاطفال
    يقول المذيع للطفل :
    إنت بتحب ماما وبابا ؟


    (يعنى الواد هيقول لا علشان يقتلوا فى البيت)




    ===================================================

      الوقت/التاريخ الآن هو الأحد أكتوبر 22, 2017 11:30 am